Më 14 gusht Tirana do të “marrë flake”. Noizy prej kohësh kishte menduar një koncert të madh, për të festuar edhe 16 vitet e karrierës së tij, e mesa duket ky është viti. “Alpha show” do të ndezë kryeqytetin. Noizy do të interpretojë hitet e tij më të mira ndër vite, por jo vetëm kaq. Ka të ftuar specialë, shqiptarë dhe të huaj. Emrat u lakuan për një kohë të gjatë, ndërsa më vonë edhe u konfirmuan. Elgit Doda, Ledri Vula, Dhurata Dora, Mc Kresha, Lyrical Son, Duda, Ardian Bujupi, “BM, SAVA, MINI kanë qenë të parët që kanë konfirmuar pjesëmarrjen e tyre në koncert.
“Më 14 gusht Lyrical Son, Mc Kresha, bashkë me shumë artistë të tjerë në festivalin e parë “HipHop” shqip, në sheshin “Nënë Tereza”. Mos mungoni”, ka thënë MC Kresha.
“Ardian është më 14 gusht në mes të Tiranës, në sheshin “Nënë Tereza. Ju mirëpresim. Është një koncert shumë i madh nga vëllai im, Noizy, e kam nderin të je maty për të kënduar”, ka thënë Ardian Bujupi.
“Më 14 gusht në sheshin “Nënë Tereza”, mos mungoni, do t’i dalë flaka Tiranës”, ka thënë Duda.
“Më 14 gusht koncerti më i madh në mes të Tiranës, te vendi jemi të gjithë. Koncerti më i madh, me energjinë më të madhe”, ka thënë Ledri Vula.
“Mos harroni më 14 gusht në ‘Alpha show’ , shihemi atje, bashkë me Noizy-n dhe artistë të tjerë”, ka konfirmuar Elgit Doda.
“Si jeni, jam Dhurata Dora, më 14 gusht në ‘Alpha show’ e Noizy-t. Do kënaqemi shumë, kështu që hajdeni”, ka thënë Dhurata Dora.
Në koncert do të jenë të pranishëm edhe artistë të tjerë si Ylli Limani, Xhensila Myrtezaji, Buta, Kida, Loredana, artistët italianë si Gue, Ghali Sfera Basta, apo ata gjermanë si Bonez Mc e RAF Camora, por edhe ai anglez Krept & Konan.
Numërimi mbrapsht ka filluar, data 14 është afër…
