Çdo të hënë mbrëma në ekranin e ‘Tv Klan’, transmetohet spektakli ‘Dance With Me’, që këtë vit pjesë të kastit të balerinëve profesionistë ka bërë edhe një djalosh nga Italia. Francesco Iacino, ka folur në ‘RevistaWho.com’ për ardhjen e tij në ‘Dance With Me Albania’, pas një eksperience 2-vjeçare në ‘Rai 1’ dhe në teatër. Në gusht të këtij viti ai u kontaktua nga Albi Nako dhe siç tregon vetë e pranoi këtë ofertë dhe për t’u vënë në një lojë që jo domosdoshmërisht do e bënte të punonte me balerinë, por dhe me VIP-a.
Francesco thotë gjithashtu se ka ardhur në Shqipëri pa asnjë paragjykim, ai priste vetëm të punonte dhe të merrte nga vetja maksimumin. Ai ka pasur mundësinë të shohë vërdallë dhe duket se ka gjetur një surprizë të bukur. Ky vend i ngjason dhe me Italinë, një arsye tjetër kjo pse balerini ndihet si në shtëpinë e tij të dytë.
Si u ndjeve këtu në vendin tonë dhe me publikun që të rrethoi?
Që në puntatën e parë mora vlerësim dhe afeksion nga publiku shqiptar, dhe s’më ngelet asgjë tjetër veçse të ndihem i lumtur dhe me fat për këtë. Ka qenë një rritje të fillosh nga ata të cilët ndajnë me mua sallën e provave, publikun në shtëpi. Çdo puntatë për këtë, duke kërcyer, kërkoj të rikthej mirënjohjen time për konkurentët me dëshirën për të lënë pak nga unë tek të gjithë.
Cili është mendimi juaj për spektaklin?
S’mund të rri pa thënë asgjë përveçse gjërave pozitive, duke filluar nga zgjedhja e konkurrentëve VIP dhe përfshirja e tyre brenda trupit të kërcimit falë Albi Nakos. Nga përzgjedhja e jurisë Valbona, Kleidi, Roberti, që lejojnë përmes kritikave dhe vlerësimit ta shohësh në tre pikëpamje të ndryshme, në përfshirjen elegante të Alketa Vejsiut dhe në fund në drejtim të Vera Grabockës, që bën të mundur gjithë këtë spektakël. Të dyja janë munduar gjithmonë të përfshijnë kulturën time dhe të më bëjnë pjesë përmes konfronteve dhe ndërhyrjeve gjatë puntatës.
Si ka qenë raporti juaj me konkurentët VIP dhe cili është VIP-i juaj i preferuar?
Duke pasur mundësi të punoja me gjithë këta njerëz kam lidhur një raport të mirë, mbi të gjitha njerëzor. Kam parë një rritje të madhe për një pjesë të tyre. VIP-i im i preferuar është Eni dhe jo vetëm sepse jam unë balerini i saj, por sepse unë kam hasur një rritje të madhe tek ajo dhe kam një vlerësim e respekt për profesionalizmin që ajo ka treguar në këtë punë. /revistawho.com
