Nga Nada Duro
Fustani i bardhë i nusërisë është ëndrra e çdo femre. Disa nga personazhet publike shqiptare e kanë përjetuar këtë ndjesi kaq të bukur e disa të tjera jo. Por edhe ato që nuk e kanë provuar vellon e bardhë në altar, e kanë përdorur në daljet e tyre skenike. RevistaWho.Com, ju kujton përmes këtij artikulli disa prej tyre:
Valbona Selimllari – Zonja më e bukur në Shqipëri, me një familje të konsoliduar, e ka provuar të bëhet nuse vetëm në sfilatën e ‘Geraldina Sposa’, ku është prezantuar si ylli i mbrëmjes.
Rudina Magjistari – Figura më e dashur e pasditeve shqiptare, e ka provuar gjithashtu vetëm si modele ekskluzive në sfilatë ndjesinë e fustanit të bardhë…
Arbana Osmani – Një nga prezantueset më të preferuara për shqiptarët është shprehur se nuk do të bëjë kurrë dasmë, por edhe ajo ka qenë ‘Nusja e nderit’ në një nga eventet e ‘Geraldina Sposa’.
Miriam Cani – Ndonëse ajo dhe partneri i saj, Alban Skënderaj kanë vite që bëjnë plane për t’u martuar, as ajo nuk është veshur ende nuse në jetën reale. E ëmbla e skenës shqiptare është përzgjedhur si imazh i ‘Lili Sposa’ dhe kjo ka qenë arsyeja pse e ka veshur fustanin e bardhë.
Leonora Jakupi – Bukuroshja e skenës, këngëtarja e suksesshme nga Kosova e ka veshur fustanin e bardhë vetëm për t’i ardhur në ndihmë një numri humoristik që ka luajtur në një prej programeve festive të fundvitit në televizionet kosovare.
Rozana Radi – Këngëtarja e njohur e ka provuar më shumë se një herë ndjesinë e fustanit të bardhë, si pasojë e fotosesioneve që ka realizuar për butikun e saj të nusërisë, që e ka zotëruar kohë më parë.
Anbeta Toromani – Balerina e famshme shqiptare, Anbeta Toromani e ka provuar përmes “Geraldina Sposa” ndjesinë e të qenit nuse nderi.
Eranda Libohova – Këngëtarja e dashur e skenës shqiptare ka qenë gjithashtu e ftuar nga kompania e njohur e organizimit të dasmave “GS” për të parakaluar si e ftuara speciale në pasarelën e tyre të përvitshme.
Floriana Garo – Edhe moderatorja e “Jo Vetëm Modë” bën pjesë në listën e vajzave që e kanë provuar më shumë se një herë fustanin e bardhë, duke qenë për disa vjet modele në sfilatën e “Geraldinës”.
Adelina Tahiri – Këngëtarja nga Maqedonia e ka veshur fustanin e bardhë në videoklipin e këngës “Mjaft”.
Albana Osmani – Moderatorja e njohur gjithmonë ka qenë e rezervuar përsa i përket jetës personale, por atë e kemi parë të veshë fustanin e nusërisë në një nga puntatat e programit “Fiks Fare”.
Orinda Huta – Këngëtarja dhe moderatorja simpatike ka qenë gjithashtu për disa vjet rresht imazh i sfilatës së “Geraldinës”, ndonëse dasmën e saj me Turjan Hyskën e ka planifikuar për vitin e ardhshëm.
Viola Spiro – Bukuroshja bionde edhe pse është në një lidhje serioze nuk është shprehur për ndonjë martesë të mundshme. Gjithsesi ajo është bërë nuse në eventet e ‘Geraldina Sposa’.
Ingrit Gjoni dhe Çiljeta Xhilaga – Asnjëra nga dy këngëtaret seksi nuk është martuar, por ato janë veshur nuse në xhirimet e videoklipit “Mike dhe rivale”.
Aurela Hoxha – Modelja është bërë nuse vetëm për të promovuar fustanet e nusërisë të linjës së saj personale “Aurela Couture”.
Dafina Zeqiri – Një foto e vjetër e këngëtares së hiteve “Na”, “Tonight”, “Time Out”, etj, e shfaq atë nën vellon e bardhë të nusërisë, por ne nuk jemi në dijeni të asnjë martese nga ajo…
Rosela Gjylbegu – Edhe Rosela e ka provuar ndjesinë e të bardhës në një set fotografik…
Afërdita Dreshaj – Modelja dhe këngëtarja nga Mali i Zi ka pozuar për kopertinën e një reviste nusërie.
Hueyda El Saied – Megjithëse nënë e një djali bukurosh, çokollata e ekranit shqiptar e provoi fustanin e bardhë vtëm në sfilatën e “Geraldina Sposa”.
Angela Martini – Bukuroshja nga Shkodra ka pozuar gjithashtu me fustanin e nusërisë për sallonin “Lili Sposa”.
Edhe miss-et e modelet e njohura, Irsa Demneri, Niki Delijorgji, Xhesika Berberi, Kristina Bakiu, Afroviti Goge, Françeska Jaçe, etj, janë veshur me të bardha për efekt të punës së tyre si modele, apo në sfilatat e miss-eve ku kanë marrë pjesë.
