Rrjetet sociale janë bërë një e “keqe” e domosdoshme për secilin prej nesh. Janë të shumtë njerëzit që kanë një profil në Instagram, Facebook, Snapchat, Tinder, Twitter, etj. Por të fiksuar pas tyre janë edhe personazhet publikë. Tashmë në llogaritë e tyre personale VIP-at e huaj, por edhe ata shqiptar postojnë gjithçka rreth karrierës së tyre, përditshmërisë, etj. Por kohët e fundit shohim që ata kanë përdorur variantin e rrjeteve sociale edhe në klipet e tyre. Le ti shohim bashkë.
Tuna dhe Vig Poppa
Ishte përfolur që në verë një duet mes Tunës dhe Vig Poppa, por ai doli në treg në fund të shtatorit. “Zemra jem” të duket më shumë si një video Snapchat-i, kjo edhe për faktin që është më pak se 3 minuta. Pra të dy këngëtaret duket që e kanë marrë frymëzimin nga rrjeti social për këngën e tyre gazmore.
Ledri Vula dhe Flori Mumajesi
Ata publikuan dy duete njëri-pas tjetrit këtë verë, “Beautiful” dhe “Nuk ma la”. Në projektin e dytë këngëtarët duket se janë frymëzuar nga rrjeti më popullor i momentit, “Instagram”. “Nuk ma la” është një nga këngët më të klikuara të kësaj vere.
Matues Frroku
Këtë verë nuk mungoi me një projekt muzikor as këngëtari, Mateus Frroku. Në këngën “M’ka bo like” krijuar nga kantautori Kledi Bahiti përdor shumë rrjetin social Facebook. Madje edhe titulli i këngës i flet për “like-t”, që të gjithë miqtë e veçanërisht të dashuruarit i bëjnë njëri-tjetrit në këtë rrjet social.
Greta Koçi
Në kohën kur Whatsapp ishte rrjeti social më i populluar Greta Koçi krijoi një këngë me të njëjtin titull, (2 vjet më parë). Kënga fliste për dy të rinj që ndonëse ishin shumë të dashuruar e jetonin marrëdhënien e tyre në distancë dhe në ndihmë ju vinte pikërisht “Whatsapp”.
