Greta Koçi është ndër këngëtaret më të njohura të skenës shqiptare. Ajo tashmë e ka kaluar një dekadë nga dalja e parë me këngëtarin më “IN” të momentit në atë kohë Erion Korinin. Por Greta është dalluar gjithmonë edhe për ndryshimin e njëpasnjëshëm të look-ut. Koçi nuk shfaqet asnjëherë e njëjtë në klipe. RevistaWho.Com ka vendosur t’ju sjellë disa ndryshime të këngëtares: Në klipet e para, në fillimet e karrierës së saj Greta ishte ajo brunia origjinale dhe e thjeshtë. “Dashuri pa shije”, “Një herë po, një herë jo” janë klipet ku flokët e këngëtares janë të palyer dhe ajo shfaqet më adoleshente se kurrë.
Më pas në vitin 2006, Greta fiton çmimin e parë në “Mikrofonin e artë” dhe krahas këngës, asaj i shtohet dhe trupa profesioniste e baletit. Ajo shfaqet me një fustan të shkurtër, të bardhë, më e rebeluar dhe më e sigurt në vetvete. Këtë ritëm Greta e mban edhe gjatë festivalit të fundvitit në Radio Televizionin Shqiptar, por hiti “Eja zemër” me nota të forta, bën që këngëtarja të shfaqet tërësisht me të zeza. Shumë e kanë krahuar performacën e saj me atë të Ruslanës në Eurovizion.
Në po të njëjtin vit, Koçi realizon një bashkëpunim popullor ndryshe nga çfarë e kishim parë. Dueti me këngëtarin e muzikës popullore Indrit Mlika e sjell atë më afër traditës shqiptare se kurrë, ndonëse fustani i shkurtër rozë ishte shumë seksi për kohën. Pas disa muajsh, në 2007 Greta shfaqet më serioze duke treguar edhe rritjen e saj në moshë. “Më fal nënë” ishte hiti që preku të gjitha zemrat jo vetëm të nënave, po dhe të gjithë atyre që i kishin larg nënat.
Vitet kaluan dhe Greta Koçi filloi me eksperimentimin e ngjyrës së flokëve dhe me veshje akoma më “zyrtare” seç e kishim parë. Këtë gjë e tregoi në klipin “What’s up” në bashkëpunim me reperin Gbmc apo në duetin me motrën e saj Enin “S’jam jetime”.
Tashmë në hitet e fundit Koçi duket se ka filluar të kthehet më sensuale se kurrë. “ Ku gabuam”, “Si më parë” në bashkëpunim me Genën apo edhe klipi më i fundit “Mos m’thirr”, ku duket që këngëtarja ka filluar të zbulojë linjat edhe më shumë seç e kishim parë ndonjëherë. Ajo shfaqet me një body të zezë dhe ndryshe nga stili i zakonshëm i saj./revistawho.com
