Romanca mes Kim Kardashian dhe kampionit të Formula 1 Lewis Hamilton duket se ka hyrë në një kapitull të ri dhe këtë herë jo në tapetin e kuq, por në mes të shkretëtirës amerikane. Dyshja u fotografua fundjavën e 28 shkurtit pranë Lake Powell, rezervuari spektakolar në lumin Colorado, në kufirin mes Utah dhe Arizona, duke shijuar një arratisje që burimet e përshkruajnë si të planifikuar larg zhurmës mediatike.
Kim dhe Lewis u panë duke admiruar perëndimin e diellit dhe madje realizuan një selfie së bashku, përpara se të ktheheshin drejt makinës së tyre në një zonë të izoluar të rajonit. Thuhet se ata po qëndronin pranë një resorti luksoz me pesë yje, i njohur për privatësinë maksimale dhe frekuentimin nga figura ndërkombëtare. Burime pranë çiftit bëjnë të ditur se kjo dalje “nuk ka qenë aspak rastësore”, por një udhëtim i organizuar për të kaluar kohë cilësore larg vëmendjes së zakonshme.
Lidhja e tyre u vu për herë të parë në qendër të vëmendjes gjatë paraqitjes së përbashkët në Super Bowl 2026, ku u shfaqën krah njëri-tjetrit mes kamerave dhe publikut, ku edhe shkëmbyen puthje, duke mos lënë shumë vend për interpretim. Që prej atij momenti, çdo lëvizje e tyre ka qenë nën lupë por këtë herë, duket se mesazhi është më i qartë, romanca po konsolidohet.
