Nga Tirana në Borsh, Nana mbledh gjithë nostalgjikët në “South Outdoor Festival”

Këngë të reja e këngëtarë të mirë zbulojmë çdo ditë, po ka ca gjëra të fshehura që kanë shenjuar rininë e adoleshencën e shumë prej nesh, që marrin hov sapo t’i gërvishtësh pak. Kështu ka ndodhur edhe me fansat e Nana-s, reperit dhe dj të famshëm gjerman të viteve 90′, i cili ka bërë që shumë personazhe të njohur të mos e mendojnë dy herë rrugën nga Tirana në Borsh për të qenë pjesë e cSouth Outdoor Festival”.
Një ftesë e mirëmenduar nga organizatorët kjo për të gjithë nostalgjikët, por jo vetëm.
Këngëtare si, Rovena Dilo, Jonida Maliqi, moderatorja Gerta Heta, Bora Zemani, gazetarë e personazhe të njohur si Aulona Musta, Fatma Haxhialiu, duket se i kanë shijuar pafund hitet e Nana-s, të cilat i kanë kërcyer gjatë gjithë kohës dhe nuk kanë kursyer postimet në story-t e tyre.
Veç Nana-s këngëtarë të tjerë si Eugent Bushpepa, Urban Band, Dj Abel, Dj Mickey kanë performuar në natën e fundit të festivalit që u mbajt nga 3-6 shtator në Borsh, aty ku ka gjetur skenën ideale duke dhuruar 3 netë magjike për të gjithë ata që morën pjesë. Vëmendja tani mbetet tek viti i ardhshëm, ku organizatorët premtojnë një tjetër edicion të jashtëzakonshëm. /revistawho.com