Promovimi i Shqipërisë në botë ka një rëndësi të veçantë. Kur kjo bëhet nga artistët, rëndësia dyfishohet. Ashtu siç ka ndodhur së fundmi me artisten Evi Reçi. Ajo ka dhënë një intervistë për radio “Monte Carlo” në Itali, e cila cilësohet si një nga radiot më të dëgjuara në vend. Në një bisedë të këndshme me Maurizio di Maggio artistja, ka sugjeruar për të gjithë dëgjuesit një prej destinacioneve më të bukura shqiptare, Sarandën.
“Dëgjoj shpesh të flitet për detin e jugut të Shqipërisë. Është një bregdet i pastër me ujin kristal. Një mikja ime që bën të njëjtën punë me mua, në një radio shqiptare “Club fm”, Evi Reçi më ka sugjeruar të shkoj në Sarandë”, ka thënë Di Maggio.
“Saranda që në fakt është qyteti i fundit i jugut të Shqipërisë, në kufi me Greqinë. Saranda do të thotë “quaranta” në gjuhën greke, Saranda në gjuhën shqipe. Saranda është qyteti që ka sinagogën, xhaminë, kishën, të gjitha këto monumente religjioze. Pak a shumë kështu është e gjithë Shqipëria, por Sarandën e shohim në këtë kulturën mikse. Më pas përmendim Butrintit, që është qyteti i vjetër antik”, rrëfen Evi.
“Butrinti është qyteti i vjetër ku ndodhet Amfiteatri, amforat, një bazilikë romake, dhe pse pjesa më antike është qytetërimi ilir. Një sit arkeologjik i rëndësishëm, i sugjeruar të vizitohet. Përballë është ishulli i Korfuzit, që është pjesë e territorit të Greqisë. Faleminderit Evi Reçi për këtë udhëtim të shkurtër nëpër Albania (siç quhet në botë), që ka një emër tjetër në fakt”, shtoi moderatori.
“Është e vërtetë, i themi Shqipëria, toka e shqiponjave”, ka mbyllur intervistën Evi.
