Që pasi publikoi hitin ‘Bon Bon’, karriera e Era Istrefit ndryshoi rrënjësisht. Ajo lidhi kontrata me ‘label-a’ shumë të famshëm, si dhe solli bashkëpunime me këngëtarë të njohur në çdo vend të botës. Pavarësisht suksesit të saj, duket se Era nuk e ka harruar vendin e vet. Vetëm disa ditë më parë, ajo dhe Nora Istrefi dhanë një performancë të shkëlqyer në Tiranë përballë një publiku shumë të gjerë. Menjëherë pas kësaj paraqitje, këngëtarja shqiptare është gjendur në Rusi, ku dhe i kanë bërë një pritje ‘ashtu siç i pëlqen asaj’. Era ka publikuar në ‘Instastory’ disa video ku zbulon momentin që futet në një mini bus dhe përpara tavolinës së grimit, duken disa ushqime të përgatitura në mënyrën perfekte, disa pije, fruta të thata dhe sigurisht shampanjë. “Kështu kam qef të më presin”, ka shkruar Era mbi foto. Nuk e dimë nëse vizita e saj në Moskë ka qenë për ndonjë koncert, xhirime të ndonjë projekti të ri muzikor, apo thjesht për disa pushime ‘të ftohta’, megjithatë presim të shohim foto apo video të reja në ditët në vazhdim./revistawho.com
