Javët e modës janë “on top” dhe bota po mban frymën. E radhës ishte ajo në New York, në të cilën u bënë bashkë më shumë se 300 krijues nga 50 vende të botës. Mes të gjitha ndjesive, kjo javë mode prezantoi koleksionin “Pranverë-Verë 2025”. Në pasarelën gjigande nuk mund të rrinte pa e bërë ndryshimin supermodeli shqiptar Elton Ilirjani.7 shtatori shënoi dhe datën kur Ilirjani u shfaq me veshje të Malan Breton.
Dizajneri nga Taivani, promovoi koleksionin e ri të frymëzuar nga tradhtia, bazuar në përralla nga shekujt 19-të dhe 20-të. Me një “look” në një hapësirë të iluzionit optik, mes të shkuarës, së tashmes dhe së ardhmes, Ilirjani i la të gjithë pa fjalë.
Por jo vetëm kaq, në një tjetër sfilatë, ai u shfaq i veshur me këpucë elegante të bardha, kimino dhe rrip të artë, shfaqje e dhënë për Naoko Tosa-n.
Emri i supermodelit shqiptar tanimë është në tabloidet më të famshme botërore si “Forbes” dhe “TMZ”.
Hey Elton, shihemi në Milano…
