Rrugëtimin e tij si këngëtar Getoar Selimi e ka nisur që në vitin 1996 me grupin Tingulli Trent. Asokohe ky ishte një nga grupet që solli risi në muzikën shqiptare, duke bërë pjesë të saj një zhanër të ri, repin.
Në rast se bëjmë një krahasim të Getoarit me daljet e tij të para deri në ditët e sotme do të shohim se ka një ndryshim drastik. Duke filluar që nga stilimi i flokëve e deri tek veshjet e tij Getoari, përveçse në muzikë, ka evoluar shumë edhe në pamje. Në fillimet e tij reperi u shfaq me flokë kaçurrela të prera në formë rrumbullake dhe pak mjekër.
Gjithashtu në videoklipet e tij ai vishej kryesisht me veshje të gjera ashtu siç i shkojnë përshtat një reperi.
Por me kalimin e kohës gjithçka ndryshoi. Getoari si fillim vendosi të priste kaçurrelat e tij e të shfaqej si një djalë më modern. Më pas filloi të tregonte një kujdes shumë të madh për mjekrën e tij, një nga detajet që bën ndryshimin më të madh në pamjen e një mashkulli.
Ndërsa tani vitet e fundit kemi vënë re dhe një ndryshim në stilin e tij në të veshur. Getoari ka bërë pjesë të garderobës këmishat apo dhe xhaketat dhe pothuajse pjesa më e madhe e veshjeve të tij i përkasin ‘brand’-eve botërore si: ‘Versace’, ‘Moschino’, ‘Kenzo’ etj. /revistawho.com
