Marina Vjollca para pak ditësh festoi 26vjetorin, dhe jo pa qëllim reperi nga Kosova, Getoar Selimi, në urimin e tij për ditëlindje iu drejtua prezantueses me fjalët “my ëife” (gruaja ime). Vetë Marina, duke pozuar sipër jahtit në Ulqin, ku festoi ditëlindjen me Getoarin, motrat dhe nënën e saj, iu përgjigj atij me dedikimin: “Thank you for making my birthday the best one ever! Love you Jetë”, si për të dëshmuar se tashmë ata ndihen si një familje. Direkt pas ditëlindjes, mediat e Kosovës dhanë lajmin se ata po përgatiten për dasmë këtë vit, edhe pse nuk është bërë ende 1 vit, që kur reperi deklaroi hapur në këngën “Tirana lifestyle” në mënyrë figurative: “Jam marinari i vetëm i krejt Marinës”. Mesa duket, Getoari i “Babastars” dhe prezantuesja e “Top Channel” ndihen vërtet shumë të dashuruar, përderisa kanë vendosur të celebrojnë historinë e tyre me martesë këtë verë. Edhe pse deri tani nuk ishte i qartë vendi që kishin vendosur për të organizuar dasmën e tyre, sipas burimeve të “Panorama” flitet se Geti ka zgjedhur Prishtinën për ceremoninë luksoze, me gati 1 mijë të ftuar. Ata po përpiqen që veshjet e asaj nate t’i kenë të personalizuara, si fustanet e nusërisë për Marinën, ashtu dhe kostumet e dhëndërisë së Getoarit. Pa dyshim që të ftuar do të jenë kolegët brenda tregut të muzikës, edhe pse çifti duan ta kenë shumë private ceremoninë e martesës.
Nga veshjet tek të ftuarit, ja detajet e dasmës së Marinës e Getoarit në Prishtinën e blinduar
