Qyteti i Nicës, ndodhet në Francë dhe është destinacioni i dytë më i famshëm në këtë shtet. Qyteti i palmave ka një hapësirë territoriale prej 13 km2 dhe numëron rreth 1 milion banorë. Nica është e pozicionuar në jug-lindje të Francës dhe kufizohet me principatën e Monakos.
Histori
Bukuria e rrallë e Nicës dhe klima e saj mesdhetare tërhoqi vëmendjen e klasës superiore angleze qysh në shekullin e 18-të, ku familjet e pasura kalonin stinën e dimrit. Për këtë arsye që prej asaj kohe shëtitorja e Nicës mori emrin “Promende des Anglais” (shëtitorja e anglezëve). Prej dekadash peisazhet piktoreske të Nicës kanë bërë për vete, jo vetëm njerëzit që preferojnë qëtësinë, por edhe ata që kërkojnë inspirimin. Ajri i pastër dhe drita e ëmbël e qytetit kanë tërhequr shumë artistë të njohur në kulturën perëndimore, si Marc Chagall, Henri Matisse, Niki de Saint Phalle dhe Arman, etj.
Vendbanimet e para të njohura në zonën e Nicës datojnë rreth 400.000 vjet. Nica (Nikea) ndoshta u themelua rreth 350 p.e.s nga Grekët e Massilias (Marseille) dhe i dhanë emrin e Νικαία (“Nikaia”) në nder të një fitoreje mbi Ligurian fqinje (Nike është perëndeshë Greke e fitores). Qyteti shpejt u bë një nga portet tregtare më të ngarkuar në bregdetin Ligurian; por ajo kishte një rival të rëndësishëm në qytetin Romak të Cemenelum, i cili vazhdoi të ekzistojë si një qytet i veçantë deri në kohën e pushtimeve Lombard. Rrënojat e Cemenelum janë në Cimiez, i cili tani është një lagje e famshme në Nicë.
Çfarë mund të vizitoni?
Nica mban vendin e dytë në Francë për kapacitetin e hoteleve dhe ajo vizitohet nga 4 millionë turistë në botë. Ajo spikat për sheshet e saj të bukura ku pasditeve mblidhen njerëz nga i gjithë qyteti.
Sheshet kryesore të Nicës:
Place de Massena
Place Garibaldi
Cours Saleya
Place du Palais
Vende të tjera që mund të vizitoni:
Nica e vjetër (Vielle Nice)
Ujvara e kështjellës (La Colline du château)
Shëtitorja e Anglezve (La promenade des Anglais)
Muzeu Marc Chagall
Muzeu i Arteve Kontemporane (Le musée d’art moderne et contemporain de Nice)
Katedralja e Saint-Nicolas de NiceMuzeu
“Le musée Matisse”Opera e Nice
Në të kaluarën Nica ka mirëpritur shumë emigrantë nga Italia (të cilët sot përbëjnë një pjesë të konsiderueshme të popullsisë), por edhe nga Portugalia, Spanja etj. Por në dekadat e fundit emigrimi ka qenë më i hapur ashtu si në të gjithë Europën, me ardhjen e emigrantëve veçanërisht nga Afrika perëndimore. Por tradita vazhdon të mbetet ende e gjallë, veçanërisht muzika folklorike dhe vallet. Kërcimi më i famshëm është farandole.
Ushqimi
Ushqimi Nisuaz është veçanërisht i lidhur me provincën e Ligurias dhe Piemontes. Ata përdorin produktet vendase si vaji i ullirit dhe açuge (cironka), por edhe shumë fruta dhe perime.
Nica ka disa pjata të famshme edhe në botë që spikasin për veçantinë e tyre si tarta e kripur me qepë dhe açuge e quajtur “Pissaladiere”. Socca, një lloj petulle e gatuar me qiqra. Sallata Nisuaze e cila gatuhet gjerësisht edhe në vendin tonë në restorante të ndryshme.
Për të udhëtuar në qytetin e Nicës nga Shqipëria nuk ka një linjë ajrore direkt, por mund të udhëtohet me opsionin tranzit. Alternativë më ekonomike mund të jetë edhe udhëtimi me tren apo autobuz nga Italia. Genova-Ventimiglia dhe më pas Ventimiglia-Nicë. Agjensi të ndryshme udhëtimesh sugjerojnë edhe udhëtimin me autobuz.
Javës tjetër do të sjellim pranë jush një qytet tjetër të mrekullueshëm.
