Nick Jonas prej vitesh vuan nga diabeti i tipit 1 dhe për herë të parë ai ka folur publikisht se si ka ndikuar kjo sëmundje në jetën e tij. Aktori i njohur ka publikuar ditën e djeshme një ‘selfie’ në rrjete sociale dhe e ka shoqëruar me mbishkrimin: “14 vite më parë unë u diagnostikova me diabetin e tipit 1. Kjo eksperiencë ka ndryshuar mënyrën se si kujdesem për shëndetin tim, stërvitja, ushqyerja e shëndetshme, duke menduar gjithmonë për nivelin e sheqerit në gjak dhe nevojat për insulinë. Ju nuk mund të kuptoni gjithmonë se çfarë do të thotë të menaxhosh një sëmundje të padukshme dhe nga tipi i 1 i diabetit mund të ndihesh i vetmuar dhe i izoluar”.
https://www.instagram.com/p/B4VZ-SLDpTB/?utm_source=ig_embed
Nick u diagnostikua me këtë sëmundje në vitin 2005 kur formoi edhe bandën e tij “Jonas Brothers” me vëllezërit Kevin dhe Joe. Tipi 1 i diabetit shfaqet kur trupi i njeriut nuk prodhon mjaftueshëm insulinë, që është rregullator i niveleve të sheqerit në gjak, metabolizmit dhe shumë të tjerave. Kjo sëmundje është më e zakonshme tek fëmijët dhe adoleshentët që kanë lindur me të, duke përfshirë Nick i cili u diagnostikua me diabet në moshën 13-vjeçare. /revistawho.com
