Pas një marrëdhënie më shumë se 1-vjeçare Nick Jonas vendosi të kurorëzojë dashurinë e tij me Priyanka Chopra. Tashmë që kanë kaluar gati 8 muaj nga martesa, Nick ka vendosur t’i thotë përfundimisht “mirupafshim” jetës si beqar. “TMZ” ka mësuar se këngëtari ka shitur shtëpinë e tij super luksoze në Beverly Hills për 6.9 milionë dollarë. Pavarësisht se shitja ishte e shpejtë, ai ka fituar prej saj, sepse Nick e ka blerë për 6.5 milionë dollarë në prill të vitit të kaluar. Në shtëpinë e këngëtarit ka 5 dhoma gjumi, 4 tualete dhe në pjesën e jashtme një pishinë gjigande.
Pas shitjes së saj thuhet se Nick dhe Priyanka kanë nisur kërkimet për blerjen e një shtëpie të re, me një ambient më familjar. Ata të dy kanë vendosur që për shtëpinë të shpenzojnë deri në 20 milionë dollarë, pavarësisht se pasuria e tyre kap shifra më të larta. Priyanka dhe Nick janë shprehur se janë të gatshëm për të krijuar një familje së shpejti, ndaj e kanë të nevojshme të gjejnë një strehë të sigurtë dhe komode për veten e fëmijët që do të vijnë në jetë. /revistawho.com
