Reperja 32-vjeçare, Nicki Minaj, e cila ka lindur në Trinidad ka treguar se ndihet shumë krenare pasi së fundmi ka firmosur një kontratë dhe do të shfaqet në seritë e reja të “ABC Family” ku do të tregojë rreth familjes së saj emigruese në Queens, New York.
Këngëtarja e hitit “Anaconda”, e cila ka studiuar aktrim por që vendosi të fokusohet më tepër në industrinë e muzikës, ka thënë: “Kjo është një nga aventurat më të veçanta që mund të kem ndërmarrë. Nuk mund të isha më krenare dhe më e emocionuar se sa t’i bashkohem një grupi të mrekullueshëm për t’i sjellë botës diçka vërtet speciale”.
Episodi i këtij filmi, për të cilin akoma nuk është vendosur një titull, do të xhirohet në vendlindjen e saj në fund të këtij viti.
