Nicole Kidman: Jepini një Oscar Julia Roberts, është fantastike

Aktorja e famshme botërore Nicole Kidman, është rikthyer fuqishëm në kinematografi. Ajo do të shfaqet në rolin e një prokuroreje në filmin “Photograph 51”. Në këtë film 48-vjeçarja luan përkrah një tjetër ylli të kinemasë, aktores Julia Roberts. Nicole ka treguar se e vlerëson shumë kolegen. “Është një aktore fantastike, dhe shpresoj që puna e saj në këtë film të vlerësohet kur të jetë momenti për Oscar apo Golden Globe. Fatkeqësisht nuk kemi shumë skena bashkë, por i kemi premtuar njëra- tjetrës që do të punojmë sërish. Julia është një nënë që i adhuron fëmijët e saj, kujdeset për privatësinë, shumë inteligjente. Kalonim orë e orë duke folur për gjithçka, sidomos për familjen”, ka thënë Kidman.