Një nga stilistët më të komentuar të showbiz-it shqiptar, Niko Komani, feston ditëlindjen e tij të 27-të. Pas kaq kohësh si pjesë e industrisë Niko ia ka dalë të krijojë identitetin e tij. Në një ditë speciale si kjo e sotmja, një ndër miket e tij më të mira, këngëtarja Poni, ka zgjedhur ta urojë me anë të një postimi në ‘Instagram’, krah së cilës ka shkruar: “Gëzuar ditëlindjen o ylli i motrës. Të uroj vetëm lumturi në jetën tënde ashtu si e meriton”.
Me anë të këtyre fjalëve, Poni ka treguar dhe njëherë miqësinë e rrallë që gëzon me Komanin. Kujtojmë se dyshja ka bashkëpunuar në çdo projekt muzikor që këngëtarja ka publikuar deri më tani, duke sjellë për publikun imazhin më të kuruar dhe kombinimet më të veçanta./revistawho.com
