Modelja e njohur Arbenita Ismajli ka ndarë së fundmi me ndjekësit e saj në Instagram disa momente të veçanta me vajzën e saj, Ninën, gjatë një vizite në një hapësirë artistike plot ngjyra dhe emocione.
Në këtë ambient kreativ, vizitorët kishin mundësinë të shkruanin në letra gjërat që i bënin të zemëruar apo të zhgënjyer — një mënyrë simbolike për të liruar emocionet negative. Por vogëlushja Nina zgjodhi të bënte diçka ndryshe.
Në një prej storieve të postuara, Arbenita ndau me humor momentin duke shkruar:
“We had to write things that makes us angry, but Nina chose peace! ~ Duhej të shkruanim gjërat që na bëjnë të zemëruar, por Nina zgjodhi paqen.”
Në foto, Nina shihej duke ngjyrosur një letër të kuqe me një zemër të verdhë. Shkrimi është parë si një thumb kundrejt Feros, teksa ky i fundit nuk e ka lënë pa përgjigje:
“Nuk pendohem për asgjë, por jam padyshim i vetëdijshëm për gjërat që nuk do t’i bëja sërish”, ka postuar ai në “Instastory”.
