Ledina Çelo këtej e tutje nuk do të jetë i vetmi personazh i famshëm nga familja e saj. Nipi i Ledinës, Majk Çelo, ka nisur rrugëtimin si këngëtar dhe ai duket se premton shumë si një artist i ri. Majk ka publikuar këngën e tij të parë “Lali Lali”, të cilën e ka shkruar vetë. Ai ka bashkëpunuar me dy profesionistë të muzikës, një francez dhe një gjerman, duke e realizuar gjithçka në perfeksion. Kënga e tij “Lali Lali” është mjaft ritmike dhe deri më tani ka marrë vetëm komente pozitive.
Majk Çelo e ka nisur rrugëtimin në muzikë me disa ‘cover-a’ dhe ky është debutimi i parë me një këngë të tij. Jo më kot thonë se pasioni është i trashëguar dhe duket se talentin për muzikën Majk e ka marrë nga halla e tij, Ledina. Majk i dha provat se është një këngëtar i mirë, ndaj tani na mbetet të shohim nëse në të ardhmen do të kemi ndonjë bashkëpunim të rrallë hallë e nip. /revistawho.com
