Kim Kardashian është përpjekur ta mbrojë Kanye West nga të gjithë ata që e kritikojnë atë. Mbrëmjen e së dielës 35-vjeçarja ka publikuar disa postime në rrjetin social “Snapchat” ku shfaqet një video e Kanye teksa telefonon Taylor Swift dhe diskutojnë për këngën “Famous”.
Në videon e publikuar, shihet Kanye teksa i lexon Taylor një pjesë të tekstit të këngës ku thuhet: “Them se unë dhe Taylor ende mund të bëjmë seks”. Ndërkohë që Kanye i shpjegon artistes se nuk dëshiron që ajo të ndihet keq, pasi nuk do të bëjë “rep” duke mërzitur njerëzit, Taylor shprehet: “Bëje si ta mendosh që është më mirë. Duket qartë që është në sensin e humorit. E vlerësoj që më tregove rreth saj. Jam e lumtur që më respektove si mike duke më treguar rreth kësaj kënge”.
Por Taylor ka reaguar ndaj kësaj videos, duke akuzuar reperin se ai nuk ia kishte dërguar këngën ta dëgjonte para se ta publikonte pasi sipas sqarimeve në rrjetin socaial Twitter, këngëtarja nuk ishte aspak në dijeni për përdorimin e frazës “Unë e bëra atë të famshme”.
