Aktori i humorit, Visjan Ukcenaj, ka bërë një dalje publike ndryshe nga sa jemi mësuar ta shohim. Në “Jo vetëm modë”, ai ka qenë me vëllain e tij Klevisin, i cili nuk është personazh publik. Edhe pse Visjani është mjaft i pëlqyer për rolet e tij, me sa duket humoristi i vërtetë i shtëpisë fshihet në një punishte metalesh të çmuara.
“Fëmijëria ime ka qenë shumë e tmerrshme. Bëj shaka, Klevi përpos që unë e dua fort sepse është super talent dhe unë e kam pasur në krah gjatë gjithë jetë, por që të vegjël Klevi përdorte strategji nga më të ndryshmet për të marrë proçka. Sa ktheja kokën hante gjëra”, tregoi me humor Visjani.
Aktori rrëfeu duke qeshur se vëllai i madh i ka mësuar pothuajse çdo ves të keq që ka. Sa i përket punës në argjendari, duket se për Visjanin kjo ka qenë e pamundur.
“Kanë tentuar prindërit, por ka qenë e pamundur. Vetëm në marrëdhënien me klientin ka qenë e mundur”, tha Klevisi.
