Ashtu si çdo të shtunë, Luana Vjollca kujdeset që të ketë të ftuar në emisionin e saj personazhet më të përfolur të showbizit shqiptar. Mbrëmjen e nesërme pritet të transmetohet puntata e radhës, e cila duket se do të ketë si tematikë ‘Halloween-in’. Luana ka zbuluar se ajo do të vishet si ‘Hirushja’ dhe kapitenët e skuadrave Florjan Binaj dhe Rezart Veleshnja do të jenë të maskuar si motrat e këqija të saj. Moderatorja dhe autorja e programit ka treguar se në këtë puntatë do të ketë një të ftuar shumë special, Pitt Leffer, këngëtari i grupit me famë botërore “Havana”. Luana e ka ndarë lajmin me ndjekësit në ‘Instagram’ duke thënë se kjo është hera e parë që Pitt vjen në Shqipëri për t’u bërë pjesë e një emisioni. Nga promoja e “Shiko kush luan” duket se këngëtari do të performojë edhe disa nga hitet e tij më të njohura “I lost you”, “Vita Bella”. Nuk dihet se çfarë do të ndodhë më tepër në emision ndaj na duhet të presim të shtunën për të parë çfarë spektakli ka rezervuar Luana. /revistawho.com
https://www.instagram.com/p/B4VPpcLnWS1/
