Kur erdhi në jetë Melody, të gjithë ishim kuriozë të mësonim më shumë, se si kishin vendosur ta quanin vajzën dy prindërit e saj të famshëm, se kujt i ngjante më shumë ajo… Është e kuptueshme vëmendja e madhe e publikut e për pasojë portaleve, kur bëhet fjalë për një çifti si gazetarja e njohur Ilva Tare dhe bashkëshorti i saj, deputeti i Partisë Demokratike Eduard Selami. E ky kuriozitet nuk është zbehur, aq më tepër në këtë periudhë festash ku të gjithë duan të dinë se si festojnë personazhet e njohur. Për shembull kjo mbrëmje e ka gjetur të voglën e familjes Selami të veshur me ngjyrat e festës dhe kapelen e babagjyshit. Përmes një videoje të publikuar nga Tare në “Instastory” e shohim teksa ajo shijon shtëpinë e zbukuruar dhe pemën me drita.
