Një biznes në Kanada ofron 8 mijë metra katrorë tokë kush shkon për të jetuar atje

Vajza e një fermeri nga Kanadaja që jeton në ishullin Cape Breton, bëri një njoftim në Facebook ku kërkonte punonjës për një dyqan. Në njoftim shkruhej se nuk ofrohej “para e madhe”, por kishte “shumë tokë”. Menjëherë vërshuan aplikimet, duke pasur më shumë se 3 500 kandidatë. Për punonjësin e dyqanit, ofrohej 8 mijë metra katrorë tokë që do të bëhej e punonjësit nëse qëndronte në punë për më shumë se 5 vite. Në fund, të zotët e dyqanit vendosën për punësimin e tri grave Kjo nuk është hera e parë që banorë të ishullit, popullsia e të cilit është tkurrur në 135 mijë, kanë bërë oferta tunduese për emigrim. “Mos prisni derisa Donald Trump të zgjidhet president që të gjeni një vend tjetër për të jetuar”, thuhet në një tjetër reklamë.