Në fillim të korrikut Dua Lipa ndau me të gjithë shqiptarët lajmin më të bukur në lidhje me “Sunny Hill Festival”, që ajo organizon së bashku me babain e saj. Këngëtarja tregoi se në 2 gusht do të performonte në Prishtinë Miley Cyrus. Duke qenë se pritjes për koncertin madhështor po i vjen fundi, Miley ka mbërritur në Kosovë. Media të ndryshme kosovare kanë raportuar ditën e sotme se këngëtarja me famë botërore ka arritur në aeroportin “Adem Jashari” gjatë orëve të pasdites. Miley-n e ka shoqëruar edhe stafi i saj, i cili duket i madh në numër. “Telegrafi” ka siguruar foto dhe video të ndryshme, në të cilat këngëtarja e famshme shihet e veshur shumë thjeshtë.
Cyrus do të këndojë në “Sunny Hill Festival” ditën e nesërme dhe ashtu si çdo herë tjetër pritet që ajo të elektrizojë skenën me performancat e saj. Përveç Miley-t në festivalin e organizuar në Prishtinë do të performojnë edhe disa artistë të tjerë me famë botërore si Calvin Harris dhe Gashi. /revistawho.com
