Një ditë para nisjes së “2XL”-së, Julian Deda dhe Albano Bogdo sherr e ofendime në një lokal të Tiranës

Sot dy aktorët kryesorë të show-ut humoristik “Apartamenti 2XL” ne Vizion Plus, Julian Deda dhe Albano Bogdo janë përplasur ashpër me njëri-tjetrin në një nga baret kryesore në Tiranë. Nuk dihet se cili ka qenë shkaku i kësaj përplasje të paprecedentë, por burime te “Syri.net” thonë se dy aktorët kanë lëshuar edhe fjalët e fundit kundrejt njëri-tjetrit në një përplasje që ndoshta mund të kishte degjeneruar edhe në konflikt fizik. “Syri.net” tentoi të kontaktojë me dy aktorët. Ndërsa Albano Bogdo nuk i është përgjigjur thirrjes, Julian Deda është shprehur se nuk dëshironte të komentonte mbi një fakt të tillë. Por ai nuk ka mohuar aty për aty incidentin, duke lënë të kuptohet se dyshja e kryesore e humorit është në krizë raporti. ‘Syri.net’ ka arritur të mësojë vetëm se përplasja ka ndodhur për parapërgatijet e show-ut dhe disa xhirime që janë bërë më herët, por konkretisht pritet që në ditët në vazhdim të hidhet më shumë dritë sa i takon kësaj përplasjeje. Siuata bëhet akoma më alarmante kur incidenti raportohet vetëm një ditë përpara premirës së ‘Apartamentit 2XL’ që  është këtë të martë në orën 21.00. Nuk dihet nëse do të ketë një reagim edhe nga producenti i emisionit Turjan Hyska i cili gjëja e fundit që mund të priste në vigjilje të sezonit të ri, ishte pikërisht që dyshja kryesore të shfaqjes të futej në krizë raporti.