Disa ditë më parë u bë publik lajmi se këngëtarja Tuna do të sillte në tregun muzikor, albumin e saj më të fundit, i cili përmban 7 këngë të reja.
Mirëpo shumë pranë eventit të rëndësishëm, këngëtarja Soni Malaj ka zgjedhur ta mbështesë miken e saj, duke i shkruar disa fjalë në një postim në ‘Instagram’ dhe duke zbuluar kështu disa detaje më shumë.
“Më vjen shumë keq që për arsye familjare unë nuk do të jem në këtë event kaq të rëndësishëm për ty dhe ndoshta pak kush e di që ti sot, një ditë para eventit, je shumë sëmurë, por dëshira jote për të realizuar diçka unike, mposht dhe gjendjen jo të mirë shëndetësore. Të uroj shumë suksese dhe e di që do ja dalësh mbanë ashtu siç di ti”, ka shkruar Malaj bashkangjitur me foton e albumit të Tunës.
Mesa duket këngëtarja nuk është në gjendje të mirë shëndetësore, por kjo nuk e ka ndaluar aspak të çojë deri në fund një nga projektet e saj më të rëndësishme./revistawho.com
