Ditën e djeshme në mediat rozë u raportua se Rita Ora i kishte dhënë fund lidhjes së saj me aktorin, Andrew Garfield. Thuhet se Andrew i ka kërkuar vetë ndarjen Ritës, sepse sipas tij ajo është duke marrë shumë vëmendje mediatike dhe nuk dëshironte që jeta e tyre private të bëhej publike.
Dyshja e njohur nuk kanë reaguar ende për këtë lajm, por ditën e sotme Rita është fotografuar shumë e dëshpëruar. Këngëtarja është parë duke arritur në aeroport për të udhëtuar drejt një vendi për turneun e saj muzikor.
“The Sun” shkruan se ndryshe nga çdo herë tjetër, Rita është shfaqur shumë e thjeshtë dhe mund të dallohej qartë se drama në historinë e dashurisë nuk ka ndikuar mirë tek ajo.
Është mësuar se Rita dhe Andrew kanë kaluar Krishtlindjen bashkë dhe këngëtarja shqiptare mendonte se gjërat mes tyre po shkonin më së miri. Ndërkohë kujtojmë se 6 muaj më parë këngëtarja shqiptare i dha fund një tjetër lidhje, me producentin Andrew Watt. /revistawho.com
