Mundimet e prindërve për fëmijët janë të njohura, por ato shkojnë deri në sakrifikimin e jetës për ta. Një rast i tillë ka ndodhur gjatë mesnatës mes të premtes dhe të shtunës në Tiranë. Një djalë 33- vjeç J.K., me banim në kryeqytet në kushtet e depresionit, ka tentuar të hidhet nga dritarja e apartamentit në katin e tretë, raporton “Noa.al”. Por ka qenë i ati V.K., 64 vjeç ai i cili e ka pikasur teksa i riu po kryente aktin e rëndë dhe ka tentuar që ta pengojë. Por pavarësisht kësaj i riu është hedhur duke tërhequr me vete edhe babanë, i cili e kishte kapur pas rrobash për ta frenuar në aktin e rëndë të të birit. Për pasojë babë e bir kanë rënë të dy në tarracën e katit të parë dhe ndodhen në spital, jashtë rrezikut për jetën. Nuk dihen ende shkaqet që e kanë shtyrë të riun drejt një akti të tillë, ndërkohë që vijojnë hetimet për zbardhjen e kësaj ngjarje.
(foto ilustruese)
