Para pak ditësh djali i vetëm i Bora Zemanit, Arbori, festoi 5-vjetorin e lindjes. Moderatorja e njohur i bëri një dedikim shumë special në ‘Instagram’ djalit të saj për t’i shprehur gjithë dashurinë. Ajo tregoi se në këto 5 vite, Arbori ka ndryshuar dhe sa më shumë kalon koha aq më shumë e surprizon ai Borën me zgjuarsinë e tij.
https://www.instagram.com/p/B5-JEaaDia2/
Por siç duket dita e ditëlindjes nuk ka mbaruar vetëm me një dedikim, pasi Bora ka përgatitur edhe një festë surprizë për vogëlushin. Sot moderatorja ka publikuar në ‘Instagram’ disa foto e video nga festa shumëngjyrëshe, në të cilën kanë qenë të pranishëm gjithë shokët e shoqet e Arborit. Bora ka treguar se nuk kishte lumturi më të madhe për të se të shihte vogëlushin duke u kënaqur bashkë me miqtë e tij. “Unë lumturohem pa fund kur shoh Arborin të lumtur! Çdo gjë u bë siç e dëshironte ai dhe në fakt e meritonte në këtë 5-vjetor. Ama nuk kishte kënaqësi më të madhe ta shihje me gjithë shokët e shoqet e tij që gëzonin e luanin pafund. Për të kjo ishte ditëlindja më e bukur”, ka shkruar Bora në postimin e saj.
https://www.instagram.com/p/B6K72-HD7Mp/
Moderatorja e njohur ka një lidhje shumë të ngushtë me djalin e saj dhe këtë gjë e ka treguar herë pas here përmes postimeve në rrjete sociale. /revistawho.com
