Një film me aktorë realë, ‘Disney’ sjell projektin e ri me personazhet negative

Së shpejti ‘Disney’ do të sjellë një projekt që mund të lumturojë shumë fansa. Bëhet fjalë për platformën e re ‘Disney+’. Thuhet se kompania është duke punuar për një serial, i cili do të bëjë bashkë të gjithë personazhet negative që kemi parë deri sot, në filma të ndryshëm vizatimorë. Seriali do të quhet “Book of Enchantment” dhe do të frymëzohet nga librat e Serena Valentino, që eksploron personazhet e këqinj të ‘Disney’. Ndryshe nga çfarë jemi mësuar, seriali nuk do të jetë i aninuar, por me aktorë real. Pritet të jetë Maleficent, Jafar, Cruella De Vil dhe shumë të tjerë. Kujtojmë që së fundi, ‘Disney’ ka kthyer shumë filma vizatimorë në filma me aktorë realë. Duke parë suksesin e tyre, edhe ky serial pritet të jetë i tillë./revistawho.com