Jeta e Britney Spears ka frymëzuar një film. Drejtuesit e rrjetit “America’s Lifetime” janë duke punuar për Britney Jean, një biografi e cila fokusohet në historinë e vërtetë të yllit të popit, për rritjen e famës së saj, rënien si edhe rikthimin triumfues. Aktorja australiane Natasha Bassett do të luajë rolin e këngëtares së hitit “Stronger”, me regji të Leslie Libman, e cila ka marrë përsipër këtë projekt. Sipas “Hollywood Reporter”, filmi do të flasë për fillimet e saj në Kentwood, Louisiana, për sukesin e saj që në fëmijëri si edhe për betejat e saj personale pas divorcit të prindërve të saj. Në film gjithashtu do të flitet edhe për romancat e saj me Justin Timberlake, Jason Alexander dhe Kevin Federline.
