Romanca mes Gjestit dhe Eglit, e nisur brenda mureve të “Big Brother VIP Albania”, vazhdon të jetë në qendër të vëmendjes, edhe pse të dy nuk kanë bërë asnjë deklaratë zyrtare për statusin e marrëdhënies së tyre pas përfundimit të spektaklit.
Megjithatë, fansat nuk kanë nevojë për fjalë, sepse detajet flasin vetë. Në një postim të fundit në rrjete sociale, Gjesti është parë duke mbajtur një byzylyk, i cili sipas ndjekësve është dhuratë nga Egli.
Ky veprim ka ndezur menjëherë rrjetet sociale, duke shkaktuar reagime të shumta dhe aludime për një lidhje që ende vazhdon mes dyshes.
Gjesti dhe Egli nuk e kanë konfirmuar asgjë publikisht, ama nuk dihet ende nëse postimet e tyre të ngjashme në rrjete sociale janë thjesht një rastësi apo një strategji e mirë marketingu. Gjithçka mbetet për t’u parë.
