Një fund i lumtur, ja si mbaron telenovela e suksesshme “Gylperi”

“Gylperi”, telenovela shumë e suksesshme turke, do të transmetojë sot finalen në Klan Plus. Ndonëse kjo telenovelë kishte një histori shumë të dhimbshme, fundi do të jetë i lumtur. Në episodin e fundit Gylperi do të fillojë një jetë të re me fëmijët e saj, Xhanin, Bedrijen dhe Hasanin. Megjithatë ajo ende ka në zemër Kadirin dhe nuk mund ta pranojë ndarjen nga ai. Për këtë arsye fëmijët e saj do të përpiqen t’i japin një përfundim të lumtur kësaj historie. Gylperi dhe Kadir vendosin ta kalojnë bashkë jetën dhe fëmijët janë aty për t’i mbështetur. Në role kryesore të kësaj telenovele ishin aktorët Nurgul Yesilçay në rolin e Gylperisë, Timuçin Esen në rolin e Kadirit, Aleyna Ozgeçen në rolin e Bedrijes, Emir Ozyakisi në rolin e Xhanit, Burak Dakak në rolin e Hasanit, Ezgi Gor në rolin e Artemis.