Mila Kuins dhe Ashton Kutcher janë padyshim një çift shembull. Romanca e tyre ngjan me ato që shohim zakonisht nëpër filma dhe gjithë adhurimi i fansave për ta është shtuar pasi kanë treguar historinë e dashurisë. Aktorja e ‘Friends with benefits’ ka treguar se ata kanë qenë miq prej kohësh dhe ka qenë disi e vështirë kalimi nga miqësia në një lidhje dashurie.
“Në kohën kur nisi gjithçka ne sapo kishim mbaruar xhirimet e filmave ‘Friends with Benefits’ dhe ‘No Strings Attached’ të cilat kishin të njëjtën tematikë. Nisur nga ato histori i thamë njëri-tjetrit, pse jo le të dalim dhe të argëtohemi jemi të dy beqarë. Dhe ashtu ndodhi. Por arrita në një pikë ku kuptova se Ashton ishte shumë i rëndësishëm për mua dhe hoqa dorë duke i thënë që nuk dua të lëndohem duke shkuar më tej se shoqëria. Ai ra dakord me mua, por ditën tjetër e gjeni dot çfarë bëri? Erdhi te unë që në mëngjes dhe më tha: ‘Hajde jeto me mua’. Sigurisht që unë pranova dhe ja tek jemi”,-ka treguar Mila për “WTF Marc Maron podcast”.
Kujtojmë se dy aktorët janë prindër të dy fëmijëve, një vajze dhe një djali dhe njihen që në moshën 14 vjeçare./revistawho.com
