Marsela Çibukaj dhe Vitmar Basha kanë performuar pasditen e djeshme në oborrin e spitalit infektiv të Tiranës, ‘Nënë Tereza’. Dyshja është munduar që me muzikën e tyre të sjellë sadopak buzëqeshje në fytyrat e mjekëve dhe infermierëve që janë në front të parë me ‘Covid-19’.
“Sot nën dritaret e tyre me një kitarë dhe me zërin e thyer nga emocioni, kënduam mirënjohjen e sinqertë për të gjithë ata që me profesionalizëm dhe sakrifica po çojnë përpara një mision të vështirë. Muzika ishte përqafimi jonë plot dashuri për të gjithë stafin mjekësor të infektivit si dhe të gjithë pacientët që na duartrokisnin prej xhamave. Forca juaj është shpresa jonë”, ka shkruar Marsela krah fotove ku shfaqet me Vitmarin duke performuar.
Me siguri zëri i dyshes ka ngjallur shumë emocione tek dëgjuesit, që siç duken dhe ng fotot e kanë shijuar maksimalisht performancën e dyshes./revistawho.com
https://www.instagram.com/p/B_X08amjH4U/?igshid=1ph070ho3j4tj
