Pak muaj më parë Renato Mekolli mbylil me sukses edicionin e parë të spektaklit të gatimit “Hells’ Kitchen Albania”. Ky program u kthye në një më të komentuarit në rrjete sociale, për shkak të vetë tensionit në kuzhinë. Sjellja e Renatos u diskutua gjatë, sepse jo të gjithë i kuptonin dhe miratonin të bërtiturat ndaj konkurrentëve, apo thyerjet e pjatave. Pritet që shumë shpejt të nisë dhe edicioni i dytë i këtij spektakli dhe Renato ka paralajmëruar më herët se do të jetë më i ashpër se më parë. Këtë gjë ai e ka treguar edhe përmes një fotografie të publikuar në ‘Instagram’. Në imazhin e postuar shihet një kuzhinë e mbushur me pjata të thyera dhe Mekolli ka zbuluar se kjo është një pamje e zakonshme në kuzhinat e botës.
“Ja çfarë bëhet në kuzhinat e botës. Ka lezet, jo thyej një pjatë vetëm, jepi lezet kuzhinës, ose mos thyej fare”, ka shkruar ai bashkangjitur fotos.
Më pas Renato ka pyetur dhe ndjekësit nëse do të donin që ai të thyente kaq shumë pjata dhe pjesa më e madhe e tyre duket se janë dakord. Kjo tregon se sjellja e Mekollit është diçka tepër e zakonshme për një kuzhinë, ndaj të gjithë duhet të përgatiteni për një sezon më të ashpër në “Hell’s Kitchen”. /revistawho.com
