Nga Rudina Laka\ Ajo është shumë aktive në rrjetet sociale me postime që lidhen me projektet e saj, modën apo biznesin. Kur në videot e publikuara shfaqet mami i Jonida Maliqit, jemi të sigurtë se të gjithë kënaqeni me stilin dhe batutat e saj.
“Mami do pak çokollatë”- e ka pyetur në njërën prej videove të postuara në “Instagram” nënën e saj Jonida, e cila pa asnjë kompleks se po regjistrohej tha: “Çfarë çokollate moj, unë jam me diabet”.
Këngëtarja poston vazhdimisht video lidhur me trajtimin e fytyrës, herë pas herë në to përfshin edhe nënën e saj, batutat e së cilës janë krejt spontane, pavarësisht nëse ajo video mund të përdoret për arsye marketingu.
“Mami hajde të të vendos këtë maskën, është shumë e mirë për rrudhat”- i tha njëherë këngëtarja. “Ik më le rehat se do shoh telenovelën”- u përgjigj e ëma në rehatinë e saj. Jonida e ka pranuar në disa dalje televizive sesa e lidhur është me nënën e saj dhe se për të ajo është mbështetja më e madhe.\revistawho.com
