Spektakli i fundit i Big Brother VIP Albania 4 ishte i mbushur me debate të ashpra mes Gjestit, Rozanës dhe Eglit, ku akuzat dhe kundërakuzat ndezën atmosferën.
Por, përtej tensioneve, një episod i papritur tërhoqi vëmendjen e publikut. Gjatë transmetimit, Gjesti u kap nga kamerat duke hequr atleten dhe më pas nuhatur çorapen, në një moment që nuk kaloi pa u vënë re nga audienca.
Pamjet u përhapën menjëherë në rrjetet sociale, ku përdoruesit e platformës X (ish-Twitter) e kthyen skenën në një fenomen viral. Memet dhe komentet ironike e bënë këtë një nga episodet më të diskutueshme të edicionit, duke sjellë edhe pak humor mes dinamikave të forta të lojës. 
