Mbrëmjen e djeshme aktori i njohur i humorit Gaz Paja i dha fund beqarisë duke lidhur kurorë me bukuroshen Ira Seferi. Në fillim çifti zhvilloi ceremoninë në tarracën e Bashkisë së Tiranës përpara kryetarit Erion Veliaj. Më pas organizuan një dasmë vërtetë magjepsëse në një prej restoranteve më luksoze të kryeqytetit. Ashtu si çdo çift të dashuruarish, edhe Gazi me Irën kishin një kolonë zanore të dashurisë së tyre, e cila bëri dhe hapjen e ditës së tyre më të veçantë. “Unë dhe ti”, e kënduar nga Alban Skënderaj ishte himni i lidhjes së aktorit me partneren e tij.
https://www.instagram.com/p/ByLjDTiFeAi/
Nga pamjet e publikuara, duket një moment vërtetë emocionues teksa në sfond premtohet përjetësia.
Kujtojmë që në dasmë ishin të ftuar shumë personazhe publikë si Ermal Mamaqi, Amarda Toska, Xhemi Shehu dhe shumë aktorë të spektaklit ‘Portokalli’./revistawho.com
