Gjatë vitit 2013-të kënga ‘Rude’ e grupit muzikor ‘Magic’ pushtoi ‘playlist’-at botërore. Më pas ky grup u angazhua akoma dhe më shumë në muzikë duke fituar kështu zemrat e gjithë publikut. Por ai që i jep më shumë shpirt një grupi është pikërisht vokalisti e në këtë rast, këngëtari i njohur Nasri.
Së fundmi Nasri është takuar në Shtetet e Bashkuara të Amerikës, me këngëtaren shqiptare Dafina Zeqiri. Atij i ka pëlqyer kaq shumë ky takim sa ka publikuar një foto në ‘Instagram’ së bashku me Dafinën dhe madje ka shkruar disa fjalë shumë të bukura për të: “Drejt nga Kosova. Dafina Zeqiri krijoi pak kohë për mua gjatë udhëtimit në LA. Në shkruajtëm diçka që duket si klasike. Grua e fuqishme. Këngëtare e shkëlqyer.” Duke qenë se Dafina ka nisur karrierën e saj muzikore në SHBA ndoshta e gjithë kjo do të thotë se mes dy këngëtarëve së shpejti mund të ketë edhe ndonjë bashkëpunim. /revistawho.com
