Pasditen e sotme, Amarda ka zgjedhur ta kalojë me djalin e saj, Joel në kinema. Këtë e ka treguar vetë Toska me anë të disa videove të publikuara në ‘Instastory’ ku shfaqej krah djalit i cili po shijonte filmin vizatimor në ekranin e madh të kinemasë.
“Kinemaja vetëm për ne sot”, ka shkruar Ami në videot ku Joeli shfaqet më i qeshur se kurrë. Në një tjetër postim i vogli duket se po kërcen përpara mamit, e cila është kujdesur ta ruajë këtë moment duke i bërë video.
Ndryshe nga çdo herë tjetër Amarda ka zbuluar një pjesë të ditës së saj, kohën e të cilës e merr padyshim familja dhe kujdesi ndaj fëmijëve. Nga fotot e publikuara në rrjetet sociale momentalisht Ermali ndodhet në një udhëtim jashtë vendit dhe duket se mami dhe djali po shfrytëzojnë kohën më të mirë për t’u argëtuar bashkë./revistawho.com
