Emilia Clarke, aktorja e famshme e “Game of Thrones” ka rrëfyer sëmundjen e rëndë nga e cila vuan prej vitesh.
Në një intervistë për BBC-në, aktorja u shpreh se një pjesë e trurit të saj nuk funksionon. Dhe kjo për shkak të një aneurizmi. (Aneurizmi është një zgjerim jonormal i enëve të gjakut)
Clarke pësoi aneurizmin e parë në vitin 2011 dhe të dytin vetëm dy vjet më vonë. Jeta e saj ishte në rrezik. Por, Emilia u shpreh se tani është mirë.
“Një pjesë e trurit tim nuk po funksionon. Fakti që ende mund të flas dhe të jetoj normalisht është i pabesueshëm. Unë i përkas numrit të vogël të njerëzve që arritën t’i mbijetojnë kësaj”, ka rrëfyer ajo.
Aktorja ka shpjeguar se nëse një pjesë e caktuar e trurit nuk merr gjak brenda një sekonde, ai thjesht vdes. Operacionin e parë e pati në vitin 2013 por nuk pati sukses.
“Kisha shumë gjakderdhje dhe mjekët më thanë se kisha pak mundësi për të mbijetuar nëse nuk operohesha përsëri. Gjatë operacionit të dytë ma hapën kafkën”, ka treguar 35-vjeçarja, e cila ka një shenjë të dukshmeqë shkon nga skalpi deri te veshi.
