Teksa botës i kanë trokitur shumë hapësira për të shprehur pasqyrimet e shpirtit dhe trupit, mes të zezës dhe të bardhës, ndalojmë aty ku flitet “Për veten”. Santana Çomora na fton të dëgjojmë, të reflektojmë, të ulemi të flasim për veten dhe të gjitha dimensionet e saj. Me një përvojë të gjatë në median e shkruar dhe atë vizive, këtë herë ajo vjen me një podkast, për të pyetur, për t’u përgjigjur, për të zbuluar për çfarë kemi nevojë më së shumti. Nga kufijtë e të panjohurës, në dashurinë për veten dhe shërimin emocional, te misioni i Onovos që përplotëson trinomin perfekt.
Nuk janë vetëm rrëfime, janë përvoja që ndërtojnë veten, nga nutricionistë në specialistë të shëndetit mendor, në ata të fitness-it, apo wellness-it, “Për veten” është stacioni ku do të ndaloni për gjatë. Dy episiodet e para trokitën me Teutën dhe Marinin, njëra me rëndësinë e suplementeve dhe tjetri me rëndësinë e ushtrimeve fizike. Të tjera podkaste do të ndjekim me Santanën, sepse gjithçka nis nga kujdesi “Për veten”.
