Një postim i këngëtares së njohur, Jonida Maliqi, i shpërndarë në llogarinë e saj në ‘Instagram’ ka kuriozuar jo pak ndjekësit, pasi duket qartë që janë xhirime gjatë një programi ku protagoniste duket të jetë vetë këngëtarja.
Në fund të pamjeve të publikuara shfaqet logo e “Vizion Plus”, ekran në të cilin Jonida është shfaqur edhe herë të tjera si drejtuese në “Dancing with the stars”.
Revista “Who” ka kontaktuar menjëherë me Maliqin, e cila nuk dëshiron të zbulojë shumë detaje por është shprehur se do të na informojë kur të jetë momenti i duhur. Jemi në pritje nëse do të jetë një projekt artistik që ka lidhje me muzikën apo me fashion, fusha në të cilat Jonida ka shkëlqyer gjithmonë.
