Gjesti ka befasuar ndjekësit së fundmi me një foto të postuar në Instagram, ku shihet krah nënës së tij, të cilën e ka quajtur me përkëdheli “Queen Sabahat”. Fotoja, e realizuar në Pejë gjatë festimeve të Kurban Bajramit, është një ndër të rrallat që reperi ndan me ndjekësit nga jeta e tij familjare, duke uruar me këtë rast të gjithë fansat për festën.
Por nuk kanë munguar komentet dhe reagimet që shkojnë përtej asaj që duket në pamje të parë. Që prej daljes nga Big Brother VIP Albania, një pjesë e madhe e fansave të tij po presin me ngulm një postim apo deklaratë që lidhet me Eglin, vajzën që ai quajti “Queen” gjatë qëndrimit të tij në shtëpinë më të famshme.
Krahas komenteve që e uronin për foton me nënën, shumë prej ndjekësve e kanë pyetur: “Po Queen Egli?”, “Na thuaj diçka për Eglin”, apo “A është ky një mesazh i fshehtë?”. Edhe pse shumë prej tyre ende shpresojnë për një konfirmim të lidhjes mes çiftit, deri tani as Gjesti dhe as Egli nuk kanë reaguar publikisht për statusin e tyre.
Ajo që ka rënë në sy është mungesa e mbështetjes publike mes tyre në projektet e reja që secili ka nisur. Megjithatë, të dy vazhdojnë ta ndjekin njëri-tjetrin në Instagram – një detaj që ka mbajtur gjallë shpresën e një pjese të mirë fansash. Pyetja që shtrohet është: a kemi të bëjmë me një strategji të zgjuar marketingu, apo me një marrëdhënie të ndërlikuar që të dy preferojnë ta mbajnë në heshtje?
