Ashton Kutcher dhe Mila Kunis janë dy nga aktorët më të suksesshëm të ‘Hollywood’ dhe për këtë arsye jeta e tyre personale është gjithmonë në qendër të vëmendjes. Së fundmi, një revistë e huaj, ‘Intouchweekly’, shkruajti për ta se ishin ndarë, kështu që Ashton dhe Mila vendosën të tregonin se janë më mirë se kurrë, madje këto lajme i kanë marrë me shumë sportivitet. Aktori ka publikuar një video me bashkëshorten e tij, të dy në makinë, teksa kjo e fundit sheh në ekranin e telefonit kopertinën bashkë me lajmin e ndarjes. “Çfarë ka ndodhur?”, i drejtohet Ashton, “Mes nesh ka marrë fund”, është shprehur ajo. “Madje dhe fëmijët i kam marrë unë”, vazhdon të ironizojë Mila, “Ndërsa ti më ke ekspozuar një sekret të errët”, thotë ajo. Çifti e ka mbyllur videon duke falenderuar me ironi revistën në fjalë, ndërsa Ashton ka shkruar krahas videos: “Duket se ka marrë fund. Kënaqu duke shitur revista këtë javë. Ndoshta gruaja ime do lindë binjakë javën tjetër. Për të tretën herë”. Kjo video ka shkaktuar të qeshura te ndjekësit e tyre, ku nuk kanë munguar as komentet ironizuese nga kolegët e tyre./revistawho.com
https://www.instagram.com/p/By6emLYHMdA/?igshid=1eclzh3dygzmo
