Eneda Tarifa është një këngëtare shumë e dashur për publikun shqiptar. Fansat e saj janë të shumtë dhe sigurisht që nga ana e tyre nuk mungojnë dhuratat. Kjo e fundit me siguri është më e veçanta. Teksa është mësuar që gjithmonë të këndojë për publikun dhe t’ju dhurojë atyre atmosferë, aktori i njohur Gent Hazizaj, ka bërë të kundërtën. Ai i ka thurur disa fjalë zemre këngëtares dhe ja ka kënduar në formë serenate. Në sitcom-in “Familja Kuqezi” ata janë vënë përpara një skene komike, ku aktori i këndon serenatën në makinë. Teksti flet për një situatë aksidenti me makinë dhe sigurisht që nuk mund të mos lihet pa përmendur edhe bukuria e Enedës.
Eneda dhe Genti janë dy miq shumë të mirë, të cilët këtë skenë e kanë realizuar mjaft bukur./revistawho.com
