Që prej publikimit të këngës ‘Lose you to love me’, Selena Gomez zbuloi se një nga miket e saj më të mira e cila i ka qëndruar pranë në momentet më të vështira ka qenë Taylor Swift. Së fundmi 27-vjeçarja ka zgjedhur t’i dedikojë fjalët më të ndjera në llogarinë e saj në ‘Instagram’. “Faleminderit që gjithmonë ke qenë pranë meje. Ti më ke mësuar kaq shumë, ke ecur me mua, qëndrove dhe më kujtove të jem një njeri më i mirë. Do të jem gjithë jetës krah teje”, ka shkruar Gomez në foton ku dallohet se ndodhet në shtëpi së bashku me Swift.
Vajzat gëzojnë një miqësi tepër të ngushtë dhe nuk kanë hezituar ta tregojnë edhe publikisht mbështetjen që i kanë dhënë njëra-tjetrës në periudha delikate të jetës së tyre./revistawho.com
